Оскаровката Кејт Бланшет ги изненади обожавателите кога рече дека сериозно размислува да се повлече од актерството еден ден. Зборувајќи за Радио Тајмс, каде што го промовираше своето претстојно и прво аудио шоу, The Fever на BBC Radio 4, таа зборуваше за нејзината кариера.
„Моето семејство превртува со очите секогаш кога го кажувам тоа, но јас го мислам. Сериозно имам намера да се откажам од глумата“, рече актерката и нагласила дека има многу работи во животот што сака да ги прави.
Зборувајќи за своето искуство како славна личност, таа истакна дека не сака интервјуа. „Никој не ми е подосаден од мене, а другите луѓе ми се многу поинтересни. Се сметам себеси за длабоко досадна“, рече таа.
Таа не откри кога точно планира да стави крај на актерската кариера. Таа неодамна заврши шестнеделен ангажман во претставата „Галеб“ на Антон Чехов. Следно ќе се појави во комедијата на браќата Зелнер „Алфа Ганг“, која исто така ја продуцира.
