Ричард Гир креираше профил на Инстаграм. 75-годишниот актер објави видео на Инстаграм и им се обрати на своите обожаватели.
„Здраво на сите. Ова е кратка порака за да ве известам дека има многу лажни профили што го користат моето име или се преправаат дека се мои. Ве молам игнорирајте ги сите други профили што тврдат дека се мои. Доколку сакате да ме контактирате или да ја следите мојата работа, единственото официјално место е преку Фондацијата Гир на Инстаграм на @gerefoundation. Ви благодарам за вашата поддршка и ве молам останете безбедни на интернет“, рече тој.
Профилот има бела ознака за верификација, што потврдува дека тоа е навистина неговиот профил. Освен обожавателите, го пречекаа и неговата сопруга Алехандра Силва, како и долгогодишниот пријател Антонио Бандерас, кој му напиша кратка порака: „Добредојде, пријателе мој!“
