Од 18 јули до 11 август 2025 година, Меркур се движи ретроградно низ знакот Лав, а еве што ни носи тој и кои совети треба да ги послушате.
Овој транзит внесува специфична динамика во начинот на кој комуницираме, се изразуваме и донесуваме одлуки, особено кога станува збор за лична моќ, креативност и потреба да бидеме видени и препознаени. Кога Меркур, планетата на комуникацијата, логиката и секојдневното размислување, се враќа во ретроградна положба, што е оптичка илузија од Земјата, повикани сме да забавиме, да размислиме и да се вратиме на она што можеби сме го прескокнале или заборавиле.
Знакот Лав е познат по својата потреба за идентитет, самодоверба и креативно изразување. Во својата слава, Лавот сака да биде автентичен и јасно да покаже кој е. Кога Меркур се движи ретроградно низ овој знак, вниманието е насочено кон нашиот внатрешен глас.
Прашањата што можат да се појават во овој период вклучуваат: Дали сум искрен во начинот на кој се претставувам? Дали комуницирам од срце или од его? Дали мојот глас е во согласност со моите вистински вредности?
Ретроградниот Меркур често носи лоша комуникација, недоразбирања, доцнења на патувања, технички проблеми или враќање на стари теми во разговорите. Сепак, тој нуди и можност за ревизија, интроспекција и подобра организација. Во Лав, акцентот е ставен на нашиот однос со сопствената креативност, љубовта, самодовербата и начинот на кој бараме признание.
Не реагирајте пребрзо
Ова е време кога може да почувствуваме потреба да се докажеме, но и да ги преиспитаме мотивите зад таа потреба. Многу е важно да не реагираме пребрзо во овој период, особено ако се чувствуваме погрешно разбрани, игнорирани или повредени. Наместо да се обидуваме да се „наметнеме“, подобро е да застанеме и да се прашаме, што точно сакам да пренесам? И дали мојот начин на изразување е во корист на мојот раст или е само реакција на несигурноста?
Во практична смисла, ретроградниот Меркур во Лав нè охрабрува да ги завршиме старите креативни проекти, да ги преиспитаме сопствените идеи и повнимателно да ги слушаме другите. Ова може да биде добро време да се вратиме на старите хобија, да ги отвориме повторно темите што некогаш биле важни, но биле оставени настрана.
Иако ретроградниот Меркур често добива лоша репутација, вистината е дека неговата енергија не нè блокира, туку нè забавува со причина. Во Лав, таа причина е многу специфична: да пронајдеме автентичен начин да се изразиме и да разбереме дека понекогаш најсилниот глас доаѓа од тишината и искреноста, а не од надворешната брилијантност.
Фото: принтскрин
