Tрака од македонскиот диџеј и продуцент Галоски, беше пуштена од глобалните диџејски ѕвезди Axwell, Sebastian Ingrosso и Steve Angello, попознати како Swedish House Mafia, на Tomorrowland 2025. Станува збор за еден од најголемите и највлијателни фестивали во светот за електронска музика, со публика од стотици илјади луѓе од целиот свет, а кој се одржува секое лето во Белгија.
Истата таа песна, наречена „Move“, беше официјално потпишана од нивната издавачка куќа истиот ден кога ја пуштија на Tomorrowland, а ќе биде официјално објавена на крајот од август.
Со овој чекор, Галоски уште еднаш ја потврди својата позиција како еден од најголемите музички амбасадори на Македонија на глобалната електронска сцена.
View this post on Instagram
Галоски е активен на меѓународната сцена повеќе од една деценија, со настапи во Јапонија, Шпанија, Австрија, Швајцарија, Сингапур, Србија, Кина, Словенија, Чешка, Тајланд, Хрватска, Црна Гора, Албанија, Норвешка, Холандија, Германија и други земји.
Само во изминатиов период тој настапи во неколку светски метрополи, како Токио и Бангкок, како дел од турнеја со која беше најавено и новото издание – поддржано од David Guetta и објавено преку издавачката куќа на Dimitri Vegas.
Веќе 15 години по ред, Галоски добива поддршка од најголемите имиња во светската сцена: Tiësto, David Guetta, Martin Garrix, Armin van Buuren, Dimitri Vegas & Like Mike, Afrojack, Steve Aoki, Diplo, Axwell, Steve Angello и Sebastian Ingrosso (Swedish House Mafia).
Оваа година Галоски веќе има неколку изданија за издавачката куќа на Dimitri Vegas, едно за Sony Music, и уште неколку други проекти кои го потврдуваат неговиот континуитет, квалитет и глобалното влијание што го има како артист.
