Клаудија Шифер го поминува летниот одмор во Грција, од каде што ги почасти своите следбеници и обожаватели со серија фотографии со порака за роденден.
Германскиот супермодел и едно од најпознатите лица на модните писти на сите времиња, Клаудија Шифер, го прослави својот 55-ти роденден и по тој повод објави неколку фотографии на кои ја покажува својата завидна фигура и препознатливо лице во средината на педесеттите години.
Познатата русокоса позираше покрај базенот во бел, елегантен и романтичен едноделен костум од Chloé, со цена од 690 евра.
Костимот за капење има длабоко деколте и набори на горниот и долниот дел што му даваат доза на романтика, а Клаудија го комбинираше со кафеави очила за сонце и скап златен накит од истата марка.
Нејзиното лице без шминка и препознатливата насмевка, кои красеа бројни престижни насловни страници и модни писти, сè уште се нејзин заштитен знак.
„Денес полнам 55 години, толку сум среќна што го славам мојот роденден радосна и здрава! 🎉“, напиша Клаудија Шифер покрај објавата.
фото: принтскрин
