Актерката Брук Шилдс во видео на TikTok се потсети на својата кратка афера со синот на поранешниот американски претседател Џон Ф. Кенеди помладиот, кого го запознала во 1980-тите.
Познатата Брук Шилдс, која неодамна го прослави својот 60-ти роденден, во тоа време имала околу 20 години, а наводно била вљубена во Џон Ф. Кенеди помладиот уште од детството.
Во видеото што го објави, во кое ја покажа и својата 22-годишна ќерка Роан Хенчи, се појавува текст со прашањето „Дали Џон Ф. Кенеди помладиот добро се бакнуваше?“ Брук не остана таинствена туку директно одговори: „Еден од најдобрите“.
@rowanhenchy But don’t forget… they never dated☝️#jfkjr @Brooke Shields ♬ original sound – N
Во времето на нивната афера, и Брук и Џон беа под лупа на јавноста, тој како син на убиениот претседател, а таа како млада ѕвезда во подем. Тие се запознале во 1980-тите додека биле на зимски одмор во Аспен.
Пред неколку години, Брук Шилдс опиша каква била таа средба, кога како неискусна скијачка решила да го следи Џон на скијачките патеки.
„Си реков: ‘Секако, ќе се спуштам по тие ридови и црни патеки’, а пред тоа практично никогаш не сум скијала“, изјави таа за Стерн во 2023 година. „Мораа да ме симнат од падината затоа што завршив во дрвјата. Не можев да се симнам од планината. Тој не ми помогна, но си помислив: Во ред е, не може да ми помогне. Тој е Џон Џон.“
Во еден момент, тие беа заедно во истиот паб и кога избувна тепачка, тој ѝ пријде и ја праша дали сака да си оди. Таа веднаш се согласи и отидоа во хотелска соба, каде што се случи тој познат бакнеж.
„Ме бакна и тоа беше најдобриот бакнеж во мојот живот. Воопшто не ме разочара. Усните му беа прекрасни, лицето му беше неверојатно, а и телото и личноста му беа. Беше приземен, забавен и не гледаше премногу на авторитетни личности“, рече еднаш Брук.
Џон Ф. Кенеди Џуниор беше во врска и со Сара Џесика Паркер, а пред да ја запознае љубовта на својот живот, неговата сопруга Керолин Бесет Кенеди, се сметаше за еден од најпосакуваните ергени во Америка.
