Општина Битола организира граѓански форум посветен на уредувањето и разубавувањето на плоштадот „Гоце Делчев“.
Форумот ќе се одржи на 3 јуни со почеток од 14:00 часот во Офицерскиот дом во Битола, а граѓаните ќе имаат можност да ги споделат своите мислења, идеи и согледувања поврзани со изгледот и уредувањето на плоштадот.
Од Општина Битола информираат дека целта е преку директна комуникација со јавноста да се добијат предлози кои ќе придонесат за поквалитетно и поубаво урбано уредување на еден од најзначајните јавни простори во градот.
„Ве очекуваме“, порачуваат од локалната самоуправа.
