Српскиот претседател Александар Вучиќ му направи бифтек на скара на австрискиот канцелар Себастијан Курц. Вучиќ бифтекот го послужи со српско вино и на социјалните мрежи се пофали дека е добар домаќин. Тој објави неколку фотки на Инстаграм па вели, дека бифтекот е само предјадење што му го спремил на Курц.
„Прекрасно попладне што јас и Себастијан Курц го поминуваме заедно. Инаку, денес му кажав на Себастијан дека за нас Србите најважно е да бидеме добри домаќини и дека нас најмногу може да нè погоди кога некој од нашите гости ќе ни каже дека не сме. За љубопитните, првото нешто што го подготвувам е бифтек, послужен со најдобрите српски вина“, напиша Вучиќ, кој минатиот викенд правеше гозба и за лидерите од регионот.
Австрискиот канцелар викендов е во посета на Белград, а од српскиот претседател доби Орден на Република Србија.
