Легендарниот српски тренер, Љупко Петровиќ се наоѓа во медицински индуцирана кома по тешката сообраќајна несреќа во четвртокот, објавија српските медиуми. Петровиќ минатата недела од непознати причини возеше во спротивна лента и директно удри во друг автомобил.
Хирургот Миљко Ристиќ, рече дека доживеал два мозочни удари по што бил ставен во вештачка кома. За потсетување, Петровиќ со македонските фудбалери Дарко Панчев и Илија Најдовски во тимот ја предводеше Црвена Ѕвезда до европската титула во 1991 година.
