Босанскиот актер Мирај Грбиќ, најпознат по улогата на Чомбе во „Луд збунет нормален“ ќе се појави во новиот филм „Брз воз“ (анг. Bullet Train) со Бред Пит и Сандра Булок во главните улоги. Тој лани се појави и во филмската акција „Брзи и бесни 9“, како и во хорор филмот „Проколнатиот“ минатата година,
„Bullet Train“ ја следи приказната за пет атентатори кои се наоѓаат во брз воз. Тие откриваат дека сите нивни мисии имаат нешто заедничко.
Филмот првично требаше да се појави во кината во април, но неговата премиера беше преместена. Таа е најавена за јули 2022 година, а покрај Бред Пит и Сандра Булок кои ги играат главните улоги, ќе се појават и други ѕвезди како: Арон Тејлор-Џонсон, Зази Бец, Мајкл Шенон, Џои Кинг, Логан Лерман, Хиројуки Санада и други.
„Bullet Train“ го режираше Дејвид Лајч, режисер на акционите филмови како што се „Deadpool 2“ и „Fast & Furious Presents: Hobbs & Shaw“. Филмот е заснован на романот „Марија Битл“ на јапонскиот писател Котар Исаке, а Зак Олкевич направи филмска адаптација.
Мирај Грбиќ одамна гради холивудска филмска кариера. Тој се појави во неколку блокбастери, како „Невозможна мисија- Протокол дух“ ( 2011), „Лов во Босна“ (2007), „Ф9“ (2021), како и во филмовите „Комплетно тело“ (2012), „Како да ме нема“ (2010), „Патот на Халима“ (2012), Remake (2003), „Тешко е да бидеш фин“ (2007) и други.
Грбиќ моментално живее и работи во Америка.
