Виктор Ристовиќ, попознат како Миша Гроф, не престанува да ја прогонува својата снаа Николина Пишек, која ја тужеше набргу по смртта на синот Видоје Ристовиќ. Како што дознава српски Курир, овој пат на суд решил да побара од неа да врати 800 илјади евра за кои тврди дека ги позајмил за купување и реновирање на вила во Загреб.
Истото се обиде да го направи и пред правните органи во Хрватска, но таму го изгуби случајот, па сега сака тужба ќе ја поднесе и во Србија.
„Миша Гроф решил по секоја цена да го изнуди своето и сака да го собере и последниот цент од Николина. Се надева дека судот во Србија ќе донесе поинаква одлука од онаа во Хрватска, каде што побара забрана за продажба на вистински имот за Николина да не може да ја продаде куќата што таа и Видоје ја купиле додека бил жив.Тој неколку пати одел на рочишта во Загреб, бидејќи не се откажал од тврдењата дека редовно им испраќал пари. Николина негираше дека и помогнал нејзе и на сопруг финансиски, но Миша Гроф тврди дека има докази дека е во право“, изјавил изворот за Курир.
„Виктор ангажираше адвокатски тим да ги собере сите докази за судот бидејќи многу се грижи за тоа да го добие овој случај. Постојано кажува дека има многу докази на писмено, но никогаш никому не ги покажал. Дури и дневникот на Видоје, што тој го спомна неколку пати, никој никогаш не го видел од семејството, ниту пак некој знае дека неговиот покоен син пишувал белешки, додал изворот.
