Нина Бадриќ често импресионира со своите модни избори, дури и кога станува збор за полежерни комбинации, но и скапи модни детали.
Пејачката Нина Бадриќ се смета за една од најстилските жени во регионот. Нејзините модни изданија се секогаш главна тема, а бидејќи е доста активна на социјалните мрежи, секоја објава е нова инспирација.
Таа ги воодушеви сите свои следбеници со своето најново модно издание, а тоа е совршената есенска комбинација во која би уживала секоја жена.
Нина позираше во краток фустан кој се гледа под сив капут со изразени ревери. Пејачката стајлингот го комбинираше со скапи чизми Miu Miu, кои беа ѕвезда на овој аутфит.
Чизмите во бајкерски стил се исклучително популарни, а копчињата од страна ги прават уште подраматични, давајќи му на целиот моден изглед поинаква нота на сериозност. Иако се идеално решение за секојдневни комбинации, тие зрачат со луксуз, а таква е и нивната цена.
Како што објави Index.hr, овој модел чини 2.000 евра.
„Прекрасна“, „Модна икона“, „Ми се допаѓаш ти и облеката“, „Изгледаш совршено“, „Чизмите се прекрасни“, беа некои од коментарите под објавата.
