Од 2004 година, откако е емитувана првата сезона од најпопуларното музичко натпреварување „Ѕвездите на Гранд“, во јавноста се шпекулира за договорите кои ги потпишуваат финалистите со претставниците на „Гранд продукција“.
Веќе на почетокот на договорот, во параграф број пет, јасно стои кој и колку пари ќе добие, но и ќе вложи во кариерата.
„Изведувачот има право на 50% од наведените нето приходи кои пристигнуваат за време на траењето на договорот. Тоа се приходи кои се остваруваат од музичките активности и тоа исклучиво од јавен настап и турнеи, без приход од продажба на носачи на зувк и фотографии. Приходот остварен од прдажбата на носачи на звук и фотографии, „Гранд продукција“ ќе ги користи за продукциска реализација на музички проекти на интерпретаторот во цели за маркетинг поврзани за интерпретаторот“, пишува во договорот кој го пренесува српски „Курир“.
Тоа значи дека „Гранд“ зема дел од заработката од настапот на секој пејач, но дури откако ќе се одбијат сите трошоци, додека парите од албумите, изведувачите не ги добиваат.
„Од основицата за пресметување на добивката, прво се одбиваат сите трошоци настанати во процесот на организација и реализација од горенаведените работи, како што се трошоците за патување, сместување, трошоците за организација на настапи (оркестар, сценографија, закуп на простор, разглас) трошоци за реклама и останати заеднички утврдени трошоци.
Исто така, во документот стои дека пејачите се обврзани да ја пријават секоја понуда за настап која не е упатена до менаџерската продукција. Во спротивно, ќе сноси финансиска казна или може да биде исфрлен од продукцијата.
Интересен член во договорот е оној кој се однесува на маркетингот, каде пишува дека пејачите се должни да одговорат на продукцијата за таа цел, како и дека постои можност „Гранд“ да зема половина, дури и по три години од истекот на договорот.
Доколку изведувачот оствари профит по истекот на договорот, од склучените договори за време на рокот на договорот, „Гранд“ ги добива договорените 50% добивка, до максимално три години по истекот. Изведувачот е должен да даде неограничена помош на „Гранд продукција“, колку што наложува браншата, без парична надокнада, а во цел за маркетинг и промоција, на пример интервјуа, автограми, настапи на телевизија.
Изведувачот е обврзан по добиената дозвола од „Гранд продукција“, да се држи до неговиот имиџ и адекватно однесување во присуство на трето лице (на пример давање автограми, интервјуа), е наведено во договорот.
Договорите се потпишуваат на девет години, и тоа пет плус две, плус две.
Единствени кои биле ослободени од ваквите договори, само неколку месеци биле српската пејачка Александра Пријовиќ, откако почнала да се забавува со сегашниот сопруг Филип Живојиновиќ. Исто така и Јелена Вучковиќ, ќерката на Гоца Божиновска, била ослободеа.
Таа, по молбата до Саша Поповиќ, добила три години прекин на договорот, пред неговиот истек. Казнети за прекршување на истиот биле Милан Станковиќ, кој платил 50.000 евра. Ренато Хенц бил исфрлен поради непочитување на истиот.
Милан влегол во конфликт со Саша Поповиќ и Жика Јакшиќ, по настапот на Евровизија. Тој тогаш инсистирал да го напушти „Гранд“. Успеал во тоа, со тоа што платил пенали од 50.000 евра.
Тој парите ги исплатил во период од две години. Од продукцијата го исфрлиле Ренато, затоа што не го пријавил ангажманот на една свадба, а тоа од „Гранд“ велат дека не се простува.
