Американската поп пејачка Анастејжа на 15 мај ќе одржи концерт во ВИП арената „Борис Трајковски“ во Скопје. Концертот е дел од светската турнеја на Анастејжа, „Еволуција“, насловена по нејзиниот последен албум
Четириесет и деветгодишната пејачка, продуцентка и поранешна танчарка се здоби со светска слава со песната „Завршив со љубовта“, за која ја доби наградата за најпродаван нов женски артист во светот во 2001 година. Следеа хитовите „Ги отплатив долговите“, „Еден ден во твојот живот“ и „Бум“, официјалната химна на Светското фудбалско првенство во 2002 година.
По паузата поради лекувањето од ракот на дојка, Анастејжа се врати во 2004 година со албум кој стана втор најпродаван во Европа. Во 2013 година, по вторпат ѝ беше дијагностициран рак, по што во октомври објави дека направила двојна мастектомија.
Скопскиот концерт, кој е во организација на „Прагма мјузик ентертејнмент“, е дел од нејзината светска турнеја „Еволуција“, насловена по албумот што го објави лани.
