Доделување на наградите „Вики ја сака храната“

Во организација на „Википедија на македонски јазик“, „Споделено знаење“ и „Слоу фуд Маседониа“ првпат во Македонија се одржа фотографскиот натпревар „Вики ја сака храната“. Организаторите следниот викенд ќе ги доделат наградите на победниците, а ќе се организира и изложба на 10 најдобри фотографии.
„Вики ја сака храната“ (Wiki Loves Food) е фотографски натпревар кој е започнат 2015 година од страна на Викимедија Индија. Македонија е втората земја која воопшто го одржува овој фотографски натпревар. На овогодинешниот натпревар тема беа македонските традиционални јадења и специјалитети. На сајтот беа прикачени 915 фотографии од 67 натпреварувачи.
Зелник праз од Цуклев
Победници на натпреварот се сликите „Зелник праз“ од Наташа Величковска, „Зелник праз“од Цуклев, „Свински колбаси и раженчиња на скара“ од Мила Антовска и „Ѓевреци“ од Робссмк.
Свински колбаси и раженчиња на скара од Мила Антовска
Во рамки на настанот, „Слоу фуд Маседониа“ ќе го прослави Денот на Тера Мадре, кој се одбележува секоја година на 10 декември со цел да ги претстави вредностите и дејностите на ова глобално движење кое се залага за зачувување и развој на автентичните македонски вкусови.
Ѓевреци од Робссмк

 

Scroll to Top