„Ватсап“ ќе има нова опција за видеоповици

Ватс ап им овозможува на корисниците да гледаат видеа на Јутјуб во режим PiP (слика во слика), а сега оваа функција може да стане достапна за видеоповици на платформата.

Апликацијата за пораки, која е во сопственост на Мета, тестира додавање на режимот слика во слика на својата апликација за iOS.

WABetaInfo открива дека видеоповиците во PiP режим се тестираат како дел од Ватс ап бета верзијата 22.24.0.79 за iOS. Засега, опцијата не е достапна за Андроид. Со споменатата функција, корисниците ќе можат да разговараат со луѓе во рамките на видео повиците на Ватс Ап и да проверуваат други апликации додека го прават тоа. Ова ќе го олесни извршувањето на повеќе задачи.

Во моментов, можно е само да се проверуваат другите разговори на Ватс Ап кога сте во видео повик. Режимот PiP ќе се активира кога ќе излезете од апликацијата Ватс ап за време на видео повик.

Според извештаите, режимот PiP за видео повици Ватс ап е достапен за корисници кои имаат уреди со iOS 15 или понова верзија.

Ватс ап планира да го подобри и пребарувањето во апликацијата, неодамна беше забележана функција која ги спречува сликите од екранот на пораките што исчезнуваат, а бета-тестерите на Андроид забележаа пораки на View Once кои не дозволуваат слики од екранот.