Влатко Стефановски трио на 14 јули ќе настапи на единствениот фестивал на тапанари на Балканот, „Друм дум фест“ во Лесковац, Србија. Поканата на овој фестивал е заради Дино Милосављевиќ, еден до најдобрите тапанари во регионот, кој години наназад свири со Стефановски. Со нив на сцената ќе биде и басистот Ѓоле Максимовски.
Фестивалот и годинава ќе се одржи на отворено, во дворот на куќата на семејството Шоп-Ѓокиќ. Организатор е „УГ Музичка комуникација“, кои на публиката ќе ѝ го понудат најдоброто од Балканот.
