Навигацијата со ГПС на возачите може да им е од голема корист, но во некои случаи не е добро целосно да ѝ се доверите. Најдобар пример за тоа е 25 годишен возач на „Опел“ од Германија, кој на 2 септември, следејќи ги упатствата на ГПС завршил возејќи по скали.
Немилиот настан се случил во Мертесдроф, на обиколницата кон Максиминервег, подрачје означено како пешачка зона. На крајот возачот завршил возејќи по скали. Вели дека предоцна ги забележал и дека не стигнал навреме да закочи.
Автомобилот самиот запрел на скалите и заглавил меѓу столбовите, пренесе Fenix magazin. Одма потоа била повикана шлеп служба, која го извлекла. За среќа никој не е повреден и само е настаната материјална штета.
