Компанијата JATO Dynamics го објави глобалниот извештај за продажба од минатата 2022 година, кога во светот има продадено вкупно 79,4 милиони нови автомобили.
Овој број претставува пад од два проценти во однос на 2021 година, во клучните пазари како што е Северна Америка, Европа и Кина, кои бележат пад во 2022 година.
Од друга страна, пазарите во развој како оние во Индија, Блискиот исток, Југоисточна Азија и Африка се регистрирани со пораст речиси во целост, надокнадувајќи го падот во другите региони.
Но, ова е најинтересниот податок во извештајот. Според податоци до кои дојде JATO, Toyota RAV4 минатата година бил најпродавниот модел на светот со продадени повеќе од милион, односно 1.016.000 испорачани единици на клиенти, од кои 43% од автомобилите се продадени во САД и Канада.
Втор на листата исто така е модел на Toyota и тоа Corolla со околу 992.000 продадени возила минатата година, додека трет е Tesla Model Y со 747.000 глобални регистрации.
Интересно е дека во првите 10 нема ниту еден модел од европски производител. Сè на сè, Toyota минатата година имала пет модели во првите десет на светот. Ford, Nissan и Honda пласираа по еден модел во топ десетте, додека компанијата на Илон Маск, Tesla, има два модели на оваа листа.
Ова е листата на најпродавани автомобили во 2022 година:
