WhatsApp, една од најпопуларните мрежи за праќање пораки, тестира функција која ќе им помогне на корисниците да ги вратат пораките кои ги избришале по грешка. WhatsApp за iOS наскоро ќе има опција undo која, објави сајтот WABetaInfo.
Според сајтот, опцијата ќе стои во долниот десен агол на екранот и корисникот ќе може да ја врати откако ќе биде избришана. Но, како и на сите социјални мрежи и тука пораката целосно ќе исчезне ако корисникот во неколку секунди не кликне undo.
Засега нема информации кога споменатата функција ќе стане достапна за сите корисници, како и дали ќе биде овозможена и за другите платформи.
