Викторија Бекам ја покани Ана Винтур во нејзиниот бутик во Лондон. 44-годишната дизајнерка и 68-годишната главна уредничка на „Вог“ беа фотографирани во британската метропола во фустани со впечатлив принт. Додека Викторија носеше фустан со леопардски дезен од нејзиното ателје, што го искомбинира со сини обувки и чанта, Ана под бордото кожено палто носеше креација со цветен принт и змиски чизми.
