Популарната пејачка Аријана Гранде, во соработка со компанијата BetterHelp, донираше милион долари за онлајн психолошки терапии.
Аријана смета дека психолошката терапија треба да биде достапна за сите, а не да биде привилегија само за одредени луѓе.
Таа ги охрабри сите оние на кои им е потребна помош и порача дека не е срамота да се побара поддршка или совет од психолог и психијатар.
„Се надевам дека ќе ја искористите оваа можност и ќе ја посетите страницата за помош, каде што ќе бидете споени со сертификуван психолог во траење од месец дена. Потоа ќе имате опција да ја обновите претплатата и ќе продолжите со терапијата. Се надевам дека ова ќе биде корисна почетна точка и дека ќе направите место за ова во вашиот живот. Заздравувањето не е едноставно, но вреди“, напиша пејачката.
Компанијата со која пејачката соработува е портал, кој на посетителите им дава директен пристап на услуги во областа на менталното здравје. Тие им овозможуваат психолошка терапија преку интернет, телефонски повици или пораки.
