Ѕвездата од филмот „Хари Потер“, британскиот глумец, Даниел Редклиф, им ја продал својата луксузна вила во Мелбурн на родителите. Куќата им ја продал за 2 милиони долари.
Редклиф местото го купил во 2004 година, преку агенцијата за недвижности која била во сопственост на неговите родители, а официјално тој станал сопственик во 2007 година, кога станал полнолетен.
Куќата има две спални соби, работна просторија, две купатила, гаража за два автомобили, голем дневен престој и тераса со убав поглед. Иако местото е убаво, Редклиф ретко престојувал во него, па на крајот решил да го продаде.
Тој добил три понуди, но, на крајот се одлучил за родителите.
