Дениз Ричардс и Чарли Шин беа во брак од 2002 до 2006 година и заедно имаат две ќерки Сами (21) и Лола (19). Актерката се присети на моментот кога морала да им каже на своите деца дека нивниот татко Чарли Шин е ХИВ позитивен.
Ричардс има прилично отворен однос со своите деца, но кога Лола и Сами биле помлади, таа дала се од себе за да ги заштити од гласините за нивните родители.
Сепак, таа била шокирана во 2015 година кога нејзиниот поранешен сопруг Чарли Шин јавно изјави во емисијата „Тудеј“ дека му бил дијагностициран ХИВ (вирус на човечка имунодефициенција, кој може да предизвика СИДА).
Неговата изјава ја вознемирила бидејќи не била информирана за тоа. „Посакувам да ме предупредеше, да ми рече: Еј, ќе го кажам тоа денес. Знаеш затоа што беше насекаде“, рече Дениз на подкастот на Џена Крамер.
Таа рече дека поради неговото појавување во емисијата „Тудеј“ морала порано да ги земе ќерките од училиште бидејќи се плашела дека нивните соученици ќе ја видат веста и ќе им ја кажат. „Морав да разговарам со нив за тоа“, рече Дениз, мислејќи на здравјето на нивниот татко. Таа вели дека и било тешко да го направи тоа.
„Беше тешко да им се објасни што е тоа“, рече актерката.
Таа забележува дека тоа бил единствениот пат кога разговарала со нејзините деца за какви било јавни контроверзии во кои таа и Чарли биле вклучени. „Во главно се трудам да ги заштитам од многу работи“, додаде таа.
