Холивудскиот актер Џони Деп (61) повеќе не е сингл. Тој е во врска со руската манекенка и сопственичка на центар за убавина Јулија Власова, која е 33 години помлада од него.
Тие неодамна беа забележани на хелиодром во Лондон. Одеа еден до друг, а тој во раката ја имаше својата акустична гитара. Се виде дека се обидуваат што побрзо да поминат низ хелиодромот, но британските фотографи беа побрзи.
Внимание привлече и фактот дека Јулија е само три години постара од ќерката на Деп, 25-годишната Лили-Роуз Деп.
Џони Деп и Јулија се запознаа во 2021 година на меѓународниот филмски фестивал во Карлови Вари. Блиски луѓе на Деп тврдат дека врската е лежерна и дека парот се гледа веќе две години. Познато е дека манекенката и Џони Деп се дружеа во јули 2022 година, на концертот на неговиот покоен пријател и музичар Џеф Бек во Прага, каде што манекенката го отвори својот салон за убавина.
На почетокот на оваа година, Јулија беше запрашана од следбениците на социјалните мрежи за нејзината врска со познатиот актер, а таа потоа кратко одговори: „Џ.Д. Тој е човек кој е неверојатно талентиран и инспиративен“. Во последно време Јулија често престојува во Велика Британија, каде Деп работи на нови филмски проекти.
