Двејн Џонсон, попознат како „Карпата“, неодамна ги загрижи обожавателите со својот забележително послаб изглед, но сега реши да стави крај на шпекулациите и да ја објасни позадината зад неговата трансформација на телото.
Поранешниот борач, сега еден од најплатените актери, се појави на Филмскиот фестивал во Венеција и настанот „Миу Миу“ со својата колешка Емили Блант, а неговиот нов изглед предизвика лавина од коментари на социјалните мрежи, пишува LADbible.
@varietymagazine Emily Blunt and Dwayne Johnson, stars of "The Smashing Machine," attend the #VeniceFilmFestival ♬ original sound – Variety
Обожавателите веднаш почнаа да дискутираат за здравјето на 53-годишниот актер, а некои на шега го нарекоа „Каменчето“ поради неговата потенка фигура. Гласините на крајот стигнаа до самиот Џонсон, кој ја искористи можноста да ја разјасни ситуацијата и да ги смири оние што беа загрижени за него.
На Филмскиот фестивал во Торонто, „The Rock“ потврди дека нема апсолутно причина за грижа.
Актерот потврди дека губењето на тежината е резултат на подготовката за улогата во филмот Chicken Man, додавајќи: „Сè уште имам долг пат пред мене“.
Џонсон не е првиот актер кој претрпел екстремна трансформација за улога. Кристијан Бејл, на пример, изгуби речиси 30 килограми за филмот „The Machinist“. За „Карпата“, промената означува и пресвртница во кариерата и желба да се оддалечи од улогите во акционите блокбастери.
