Актерката и манекенка Елизабет Харли (59) ужива во својот одмор додека е уште лето. Таа со своите следбеници сподели видео во бел костим за капење и доби 140.000 лајкови.
На видеото се гледа како Харли се капе во морето, а потоа се тушира. Обожавателите се воодушевени од нејзината линија.
„Нема шанси да имаш 59“, „Подобро тело од многу 30-годишни девојки“, „Ова е чиста убавина“, „Апсолутно совршена“, „59-годишна во тело на 21-годишна“, „Никогаш не си била поубава“, се само дел од коментарите.
Во една прилика Харли ја откри тајната на својата линија – избегнува преработена храна.
„Не држам модни диети. Мојот вкус е прилично едноставен и секогаш внимавав што јадам. Не пијам зелени сокови, но не јадам ниту преработена храна. Ги гледам етикетите на храната уште од тинејџерска возраст“, рече таа.
