Синоќа во арената „МГМ Гранд Гарден“ во Лас Вегас се одржа 64. доделување на престижните награди „Греми“, а највлијателните музички ѕвезди прошетаа на црвениот тепих.
Пејачките блеснаа во раскошни тоалети, а најголемо внимание привлече Парис Хилтон, која се појави во друштво на сопругот Картер Реум. Богатата наследничка блесна во проѕирна креација со наметка опкружена со накит и дијаманти, потпишана од познатата модна куќа Atelier Zuhra.
Хилтон не носеше долна облека одоздола, а накитот и дијамантите ѝ беа поставени над градите, додека везот беше наместен по интимните делови.
Импресивен додаток ѝ беа ракавиците без прсти обложени со дијаманти, како и дискретните дијамантски обетки. Хилтон ја имаше кренато косата во елегантно опавче, а облече и многу едноставен модел на салонки во сребрена боја.
