Британскиот „Вог“ првпат во својата историја стави само маж на својата насловна страница, актерот Тимоти Шаламе (26). Тој ќе се појави на насловната на октомврискиот број на популарниот магазин.
„Првпат во 106-те години постоење на британски ‘Вог’, на насловната страница се најде само маж“, пишува на твитер-профилот на магазинот.
Фотографиите од Тимоти ги сликаше Стивен Мајзел, а преку нив се обидува да ја покаже желбата на Шаламе да експериментира со модата.
For the first time in British Vogue’s 106-year history, a man is flying solo on the cover. At 26, @RealChalamet is already a consummate, cool-as-they-come movie star, and in the October 2022 issue, @GilesHattersley goes in search of the real boy wonder. https://t.co/rvnqmsZIAb pic.twitter.com/4MgySi3cnV
— British Vogue (@BritishVogue) September 15, 2022
Пред глумецот уште неколку мажи се појавија на насловната страница на магазинот, но секогаш како придружници на жените. Своја соло насловна претходно имаше и пејачот Зејн Малик, но само за онлајн изданието на списанието.
Инаку, Тимоти Шаламе неодамна го привлече вниманието со својот моден избор за филмскиот фестивал во Венеција каде што се појави во впечатлив црвен комбинезон со гол грб.
Шаламе веќе неколку години важи за еден од најпопуларните млади глумци. Тој во моментов работи на вториот дел на хит-филмот “Дина“.
View this post on Instagram
