Илон Маск во продажба го пушти неговиот парфем Burnt Hair. Најбогатиот човек на светот продаде 10.000 парфеми за само неколку часа и заработи еден милион долари.
„Со име како моето, влегувањето во бизнисот со парфеми беше неизбежно. Зошто чекав толку долго?“, напиша Маск на Твитер.
Парфемот чини 100 долари, а испораките ќе почнат во првото тримесечје на следната година.
Маск освен што е сопственик на автомобилската компанија „Тесла“, тој исто така произведува текила, капи и пламенофрлачи, а од сега и парфем.
„Ве молам, купувајте го мојот парфем за да можам да го купам Твитер“, твитна Маск вчера.
