Реалити ѕвездата Ким Кардашијан во поткастот „On Purpose with Jay Shetty“ зборуваше како е да се биде мајка. Ким има четири деца со нејзиниот поранешен сопруг, раперот Канје Вест ќерките Норт (9) и Чикаго (5) и синовите Сент (7) и Псалм (4).
„Често плачам пред да одам да спијам. Да, секогаш има торнадо во мојата куќа. Понекогаш се прашувам што се случило. Да се биде родител понекогаш е лудост. Највистинската работа што сум ја слушнала е дека деновите се долги, а годините се кратки. Сепак, тоа е најнаградувачката работа на светот“, опишала таа.
„Ништо не може да те подготви. Колку и да чекаш, не можеш да бидеш подготвен за ова. Понекогаш не ја мијам косата и носам исти пижами со денови, но научив многу за себе и јас. Горда сум на себе. Најлошото беше во корона“, додала таа.
