Украинскиот боксер Владимир Кличко, им се заблагодари на членовите од групата „Ред Хот Чили Пеперс“ за поддршката која ја дадоа за Украина во војната против Русија.
„Ги повиквуаме сите да направат сè што е во нивна моќ за да им помогнат на бегалците од Украина“, објавија тие на „Твитер“.
We’re calling on everyone to do and give what you can to help refugees around the world. #StandUpForUkraine https://t.co/I84417qg2q@GlblCtzn pic.twitter.com/iVHDGhqzJ8
— Red Hot ChiliPeppers (@ChiliPeppers) April 8, 2022
„Денес сме тука да ги поддржиме Украинските бегалци и да им ја дадеме целата потребна поддршка и помош која им е потребна. Сакаме да помогнеме да се соберат пари и да побараме од светските лидери и обичните граѓани да направат сè што можат и да им помогнат на бегалците. Не би барале нешто што не би направиле и ние самите. Сите треба да сме свесни и да придонесеме со љубов, пари и со сè што имаме“, рекоа тие.
Видеото го сподели и Кличко кој им се заблагодари за помошта, а и тој ги повика сите кои можат да им помогнат на неговите сонародници бегалци.
„Фала ви што ми го чувавте грбот низ целата моја боксерска кариера и сега што ги поддржувате украинските бегалци. Светот не може да престане да се грижи. Секоја поддршка е важна“, рече Кличко.
Thank you @ChiliPeppers for having my back throughout my boxing career and now supporting the Ukrainian refugees. The world “Can’t Stop” caring, all support matters. #StandUpForUkraine https://t.co/vFytOHVKg8
— Klitschko (@Klitschko) April 10, 2022
