Светската музичка ѕвезда Лајонел Ричи ќе настапи на концерт по повод дводневната церемонија на крунисување на новиот британски крал Чарлс Трети, на 7 мај во замокот Виндзор, пишува весникот „Сан“.
Американскиот пејач е долгогодишен пријател и обожавател на британскиот крал и е еден од амбасадорите на The Prince’s Trust, добротворна организација основана во 1976 година.
Влезниците за концертот ќе се делат по пат на лотарија, а 5.000 билети се наменети за граѓаните низ Велика Британија, а останатите 5.000 ќе бидат поделени на добротворни организации блиски до кралското семејство, како и на припадниците на војската.
Кралот Чарлс Трети ќе биде крунисан во сабота на 6 мај во Вестминстерската палата, а службата ќе ја изведе надбискупот од Кентербери Џастин Велби. На истиот ден ќе биде крунисана и сопругата на кралот, Камила.
Новокрунисаниот монарх потоа ќе се појави на балконот на Бакингемската палата, а следниот ден ќе се одржи „Концертот за крунисување“ на кој ќе настапат светски музички ѕвезди, соопшти Бакингемската палата.
