Американскиот актер Метју Меконахи тврди дека актерот Вуди Харелсон би можел да биде негов вистински брат.
„Моите деца го викаат чичко Вуди, а неговите деца ме викаат чичко Метју. Неговото семејство мисли дека јас сум на сликата, а не тој”, се пошегува Меконахи, кој се сомнева дека неговата мајка Мери имала врска со таткото на Харелсон, Чарлс, кој починал во затвор во 2007 година.
Почнал да размислува за тоа откако Мери рекла дека го запознала Чарлс кога биле на заеднички одмор и поради тоа тој се фрлил на истражување на семејната историја.
Момците се собраа за да ја промовираат комедијата „Брат од друга мајка“, но се шегуваат дека допрва треба да направат ДНК тест.
„Во Грција пред неколку години седевме и разговаравме за тоа колку сме блиски со нашето семејство. Мајка ми беше таму и рече: Вуди, го познавав татко ти. Сите беа свесни што значи „го познавав““, рекол Меконахи во подкастот „Ајде да зборуваме надвор од камерата“ на Кели Рипа.
„Направивме математика и дознавме дека таткото на Вуди бил на одмор во исто време кога мајка ми и татко ми се разведувале. Имаше места во Тексас каде што можеа да се сретнат“, додадал тој.
Во подкастот, Меконахи исто така рече дека на Харелсон му било полесно да му каже дека само треба да го направи тестирањето бидејќи нема што да изгуби.
„Малку ми е потешко да го направам тоа затоа што велам: „Чекај малку, ми велиш дека има шанси личноста што ја нарекувам татко 53 години да не е мој татко?“, рекол Меконахи.
