Накитот и обетките кои покојната британска принцеза Дајана ги носеше на едно од нејзините последни јавни појавувања ќе бидат понудени на аукција во јуни.
Во јуни 1997 година, принцезата Дајана присуствуваше на изведбата на Лебедово езеро на Британскиот национален балет во Ројал Алберт Хол во Лондон. Таму носеше ѓердан од пацифички бисер и дијамант.
Фотографиите од вечерта за брзо го обиколија светот и двапати беа објавени на насловната страница на списанието „Пипл“, вклучувајќи го и изданието со тврд повез од 1998 година. Накитот го направи златарницата „Гарард“, а во дизајнот учествувала и Дијана.
По балетот, принцезата им го врати за да може да ѝ направат и пар соодветни обетки. Во меѓувреме, загина во тешката сообраќајна несреќа во Париз. Комплетот познат како „Лебедово езеро“ ќе биде понуден на аукција во хотелот „Пјер“ во Њујорк на 27 јуни.
Ѓерданот се состои од 178 дијаманти и седум бисери од Јужното Море во платина, а дијамантите имаат вкупно повеќе од 50 карати.
