Поп пејачката Мадона на Инстаграм објави видео во кое порача дека Путин мора да престане со агресијата врз Украина. Таа објави и видеа и фотографии од војната.
„Путин ги прекрши сите договори за човекови права кои постојат. Тој нема право да ја брише Украина. Претседателе Зеленски те поддржуваме. Ќе се молам за тебе и твојата земја. Немојте да се чувствувате беспомошно кога сте соочени со политички акции од оваа големина. Постојат работи кои можеме да ги направиме“, рече Мадона.
View this post on Instagram
Таа објави и видеа од бомбардирањето на една од зградите во Украина и силно го критикуваше Путин за неговата бесмислена војна која ја почна.
„Ве боли ли ова видео колку и мене? Путин продолжува со своите ужасни и непотребни напади врз Украина. Недолжни луѓе се борат за живот и учат да пукаат со оружје за да се заштитат. Ве молам, да направиме сè што можеме за да им помогнеме“, рече Мадона.
View this post on Instagram
Голем број фанови од Украина ја поддржаа и ѝ се заблагодарија за поддршката. Со ова Мадона се приклучи на голем број слави лица кои јавно ја осудија оваа војна и покренаа акција за помош за Украинците.
