Нови проблеми при снимањето на продолжението на хит-серијата „Наркос“

Ѕвездата на ТВ-серијата на „Нетфликс“, „Наркос“, Педро Паскал, изјави дека серијата не може да продолжи сè додека студиото не овозможи безбедни услови за работа за целата актерска и техничка екипа.

Неговата изјава следуваше по смртта на Карлос Муњоз Портал (37), локален менаџер на сетот, кој беше убиен додека во Мексико барал локација за снимање на четвртата сезона од серијата. Тој бил пронајден мртов во автомобил во едно рурално предградие на Мексико Сити.

Точниот мотив на убиството, официјално, сè уште не е познат, но подрачјето во кое се случило убиството е познато по високата стапка на криминал.

– Не можеме да снимаме доколку нашите животи не се безбедни. Ако сакаат да продолжат со снимањето, тоа ќе мора да биде безбедно – рече Паскал.

Scroll to Top