Раперот Канје Вест го призна поразот на претседателските избори во САД, но вети и дека пак ќе се кандидира за претседател во 2024 година. Тој поразот го призна уште кога почнаа да се појавуваат прелиминарните резултати од гласањето.
„Помогнете му на Канје 2024“, напиша тој на „Твитер“.
Иако знаеше дека нема шанси за победа, Вест неколку пати изјави дека се кандидира за претседател и дека се надева на победа. Тој во изборната кампања немал голема поддршка од семејството, а ни неговата сопруга Ким Кардашијан никогаш јавно не го поддржа во оваа трка.
