Актерката Анџелина Џоли доживеа нов пораз во правната битка со нејзиниот поранешен сопруг, актерот Бред Пит. Во овој случај се работи за борба за сопственоста на нивната винарија која се наоѓа во Франција.
Судот во Лос Анџелес одлучи дека Анџелина мора да ги презентира сите договори за доверливост што ги договорила со трети страни во периодот од осум години, од 2014 до 2022 година, и ги означи нејзините приговори како ирелевантни.
Договорите за доверливост станаа клучно прашање во спорот околу успешната винарија Шато Миравал, лоцирана во Прованса во јужна Франција.
Анџелина тврди дека се откажала од продажбата на својот удел на Бред откако тој побарал од неа да потпише „неразумен“ договор за необјавување како дел од договорот. Како одговор на тоа тврдење, адвокатите на Бред велат дека Анџелина таквите договори ги користи како оружје и дека за време на преговорите за нивниот развод барала Бред да потпише сличен договор.
Поранешниот војник на британските специјални сили Тони Веб работеше за нивното семејство повеќе од 20 години и вели дека Анџелина користила договори за необјавување за да ги замолчи вработените кои работеле за нив како обезбедување. Поради тие договори, тие не би можеле да сведочат за тоа што всушност се случило зад затворени врати, а Анџелина во оваа тужба изјавила дека Бред користел слична тактика за замолчување со договори против неа, истакнува Тони.
