Американскиот актер Џорџ Сегал почина на 87-годишна возраст. Тажната вест ја сподели неговата сопруга која изјави дека Сегал починал од компликации предизвикани од операцијата за бајпас.
„Нашето семејство е тажно што мора да сподели дека Џорџ Сегал почина по компликации предизвикани од операција за бајпас“, изјави Соња Сегал за „Варајети“ во вторникот.
Сегал стана популарен во 60-тите и 70-тите години со бројните драмски и комични улоги. Глумеше со Ричард Бартон и Елизабет Тејлор во филмот „Кој се плаши од Вирџинија Вулф“, а за истиот филм доби номинација за Оскар за најдобра споредна машка улога.
Во текот на 80-тите години, се сврте кон телевизиските ситком проекти. Покрај глума, Сегал исто така се занимаваше и со музика и свиреше бенџо. Со неговиот џез-бенд „Беверли Хилс Анлистед Џез Бенд“ настапи во њујоршкиот Карнеги Хол во 1981 година.
