Шведската принцеза Биргита почина на 87-годишна возраст, соопшти шведското кралско семејство.
Биргита беше сестра на шведскиот крал Карл XVI Густаф и вдовицата на принцот Јохан Георг од Хоенцолерн. Таа починала во Мајорка, каде што живеела, а причината за смртта не е позната. Нејзиниот брат, кралот, се прости од неа со емотивна објава.
„Со голема тага ја примив веста дека мојата сестра, принцезата Биргита, почина. Мојата сестра беше живописна и директна личност која многу ќе ми недостига на мене и на моето семејство. Заедно со моето семејство, денеска упатувам сочувство на нејзините деца и внуци“, рече кралот.
Биргита имаше три деца со нејзиниот сопруг, историчар на уметност – принцовите Карл и Хубертус и принцезата Дезире.
За разлика од нејзините сестри, Биргита ја задржала својата кралска титула по бракот бидејќи се омажила за некој од нејзиниот статус. Во текот на животот, таа го поминувала своето време собирајќи пари за добротворни цели и ја основаше Фондацијата HELP, која им помага на ранливите деца ширум светот.
