Џенифер Лопез се разведува од Бен Афлек. Пејачката поднесе барање за развод во вторникот во Лос Анџелес, на втората годишнина од бракот. На 55-годишната Лопез ова и е четврти неуспешен брак, а извор близок до пејачката открил дека нејзините пријатели се уморни од нејзиниот хаотичен љубовен живот.
„По четири неуспешни бракови, нејзините пријатели мислат дека треба да се справи со себе и да се фокусира на себе наместо на тоа што другите сакаат од неа и конечно да открие која е таа и што сака од нејзината иднина“, изјави изворот за Дејли Меил.
Изворот откри и дека Лопез намерно поднела барање за развод на втората годишнина од бракот, но и дека Бен одамна завршил со неа.
Џенифер рече дека веќе ѝ здосадило понижувањето на Бен и дека намерно чекала до нивната втора годишнина за да го намести. Но, тој не беше повреден. Тој одамна заврши со неа и таа длабоко во себе го знае тоа. Тој и дозволи да го направи ова само за да ја направи негативец во целата приказна“, откри изворот.
Џенифер и Бен наводно со месеци се расправале за поделба на имотот и на моменти воопшто не зборувале. Тие не потпишале предбрачен договор, а нејзината нето вредност е 400 милиони долари, додека нето вредноста на Бен се проценува на 150 милиони долари.
