Актерката Сиена Милер (44) отворено проговори за мајчинството на постара возраст, истакнувајќи дека искуството е многу полесно отколку кога првпат станала мајка на 29 години. Ѕвездата од серијата „Anatomy of a scandal“ во ново интервју сподели зошто верува дека бременоста во 40-тите години е „најдобрата работа“.
Нема повеќе чувство на напнатост
Сиена Милер, која го очекува своето второ дете со момчето Оли Грин, ги спореди своите три искуства со бременоста во интервју за списанието „Гламур“.
„По породувањето на 29 години, потоа на 42 години и сега на 44 години, можам да кажам дека е многу полесно. Нема повеќе внатрешен конфликт, чувство дека нешто ве влече во друга насока и дека сакате да правите сто други работи“, објасни актерката.
„Сега сум толку среќна ако сум во кревет со книга во девет часот навечер. И имам изговор за тоа. Мојот живот е во многу постабилна фаза. Мислам дека триесеттите години се хаос. Секогаш мислиш: Сакам да се смирам. Сакам деца“, додаде таа.
Сега знам која сум
Според неа, влегувањето во четириесеттите години ѝ дало порелаксиран поглед на животот, што влијаело и на нејзината одлука да има трето дете. „Додека наполниш четириесет години, некако знаеш кој си. Не те интересира што мислат другите“, рече Милер. „Јас сум многу постабилна личност“.
Актерката ја искористи и можноста да ги истакне двојните стандарди во општеството. „Не ги осудуваме мажите кои имаат деца во осумдесеттите години“, истакна таа. „Зошто, по ѓаволите, воопшто постои таков наратив за жените?“
Одлуката за замрзнување јајце-клетки
Милер, исто така, откри дека ги замрзнала своите јајце-клетки во доцните триесетти години, што, вели таа, ѝ донело голем мир, иако на крајот не ги користела.
„Бев многу среќна што го направив тоа, иако немав потреба. Имав голема среќа што можев да забременам природно, но сознанието дека ја имам таа опција беше егзистенцијално олеснување“, додаде таа.
Сиена Милер првпат го покажа својот стомак во декември минатата година на црвениот тепих на доделувањето на модните награди во лондонската Ројал Алберт Хол. Актерката се врати на Инстаграм на 20 март по голема пауза, објавувајќи фотографија на која го покажува својот стомак.
Ова ќе биде нејзино трето дете. Таа доби ќерка со партнерот Оли Грин (29) кон крајот на 2023 година, а има и 13-годишна ќерка, Марлоу, од претходната врска со актерот Том Стариџ.
