Иако со години се пишуваше за тоа кој е „вистинскиот татко“ на принцот Хари, фотографија стара речиси 70 години можеби ја открива вистината.
Кога станува збор за британското кралско семејство, нивните сложени и заплеткани односи отсекогаш ја интригирале јавноста, толку многу што серијата „Круната“ е инспирирана од членовите на ова семејство, а не е тајна дека принцот Хари и неговиот татко, кралот Чарлс III со години не се во одлични односи.
Сепак, веќе подолго време кружат гласини во кои некои веруваат и кои се фокусираат на трачевите дека Чарлс не е вистинскиот татко на Хари.
Британската и светската јавност со децении ги споредуваа фотографиите на мајорот Џејмс Хјуит, со кој принцезата Дајана беше во петгодишна врска во осумдесетите и во брак со принцот Чарлс, а за многумина нема сомнеж дека овој офицер е всушност таткото на Хари.
Иако според некои фотографии навистина изгледа како Хари да личи на мајорот Хјуит, тој самиот одамна категорично истакна дека стапил во врска со Дијана кога Хари веќе бил роден.
Сепак, многумина никогаш не забележале колку принцот Хари всушност личи на својот дедо, принцот Филип, а старите фотографии покажуваат дека Хари е ист како неговиот дедо Филип.
Поточно, се работи за фотографија направена во 1957 година, за насловната страница на магазинот „Paris Match“. Авторот на книгата за кралското семејство Крис Џексон ја објави на својот Инстаграм, а ја пренесе „Глоси“.
Кога е направена оваа фотографија, принцот Филип имал 36 години, додека Хари сега е три години постар. Кога ќе се споредат фотографиите на двајцата принцови во униформа, јасно е дека Хари е вистинска копија на неговиот дедо!
„Сега сите знаеме како ќе изгледа Хари за 50 години“, гласи еден од многуте коментари.
