Познатиот рокер Џон Бон Џови пред десетина дена беше тема на сите светски медиуми кога убеди непозната жена да не скокне од мост. Овој потег не е единствениот што ја докажува неговата емпатија и хуманост кон луѓето кои не ги познава.
Џон Бон Џови, американскиот музичар и фронтмен на познатиот бенд Бон Џови, на пешачкиот мост го снимал спотот за песната „The People’s House“, кога од другата страна на оградата забележал жена.
На снимките од надзорните камери што ги сподели локалната полиција, може да се види како Џон и приоѓа на потресена жена со член на неговата екипа. Потоа се потпрел на оградата и почнал да разговара со неа, повикувајќи ја да се врати на безбедно, по што и помогнал да се прекачи преку оградата.
Бон Џови потоа се прегрна и тие стоеја така околу една минута, пред заедно да одат по мостот.
Метрополитен полицискиот оддел во Нешвил го сподели видеото на нивниот канал на YouTube и рече дека пејачот и помогнал на „очајна жена“.
Секоја чест за Џон Бон Џови и неговиот тим што и помогнаа на една жена на пешачкиот мост Сејгенталер во вторникот вечерта.
„Бон Џови успеа да ја убеди да се симне од платформата на мостот на реката Камберленд на безбедно“, објави полицијата на платформата X.
Обожавателите на рокерот не беа изненадени од неговиот потег. Имено, тој во 2011 година основал непрофитна организација, односно синџир ресторани каде што немало ценовници, а плаќањето на сметката било опционално.
