Американските медиуми објавија дека Ријана тајно се породила минатиот петок и дека добила син. Тие се повикуваат на анонимен извор кој наводно работи во болницата каде што се породила познатата пејачка. Засега Ријана и нејзиниот партнер, раперот Асап Роки, не ја потврдиле веста.
Набрзо откако се појавија информациите дека пејачката пристигнала во болница, американските медиуми објавија дека породувањето завршило и дека таа родила машко дете. Медиумите претходно пишуваа дека Ријана чека девојче, бидејќи беше сликана како купува розова облека за бебиња.
Ријана и Асап Роки во јануари открија дека чекаат бебе, Ријана во тоа време веќе беше во поодмината бременост. Уште тогаш се појавија шпекулации дека пејачката ќе се породи во мај.
