Неодамна, принцот Хари и Меган Маркл беа снимени како им делат храна на луѓето погодени од шумските пожари во Лос Анџелес. Но, нивниот потег предизвика прилично остра реакција на актерката Џастин Бејтмен на социјалните мрежи.
„Меган Маркл и Хари не се ништо подобри од оние кои ги искористуваат туѓите несреќи за своја корист. Каква одвратна „можност за фотографирање“ направија. „Дали тие сега се политичари? Тие не живеат овде; тие се туристи, туристи на катастрофи“, напиша Бејтмен на Икс.
Meghan Markle and Harry are no better than ambulance chasers. What a repulsive "photo op" they achieved. They are "touring the damage"? Are they politicians now? They don't live here; they are tourists.
Disaster Tourists. #PalisadesFire https://t.co/Kv6v6jSX4y— Justine Bateman (@JustineBateman) January 12, 2025
Под тоа, таа сподели објава со видео од Хари и Меган како споделуваат храна и залихи. Неименуван извор изјави за „Пејџ Сикс“ дека Хари и Меган сметаат дека зборовите на актерката се навредливи.
„Меган е родена и израсната во Лос Анџелес. Тоа е, и секогаш ќе биде, нејзин дом. Таа е целосно скршена од сите изгубени животи и домови уништени од овие пожари. [Хари и Меган] вложија значително време и ресурси. Донираа пари и основни потреби“, додава изворот.
Исто така, се тврди дека Хари и Меган посветиле многу време на волонтирање, дури и „пред медиумите да дознаат дека се вмешани во ситуацијата“. Тоа го поткрепува и фактот што тие ги отворија вратите на нивната вила во Монтесито вредна 29 милиони долари за пријателите од Лос Анџелес погодени од пожарот.
