Кид Рок ја посети Белата куќа во интересно издание, кое предизвика бројни коментари на социјалните мрежи.
Музичарот, познат по неговиот хит All Summer Long, ја посети Белата куќа во понеделникот додека претседателот Трамп потпишуваше извршни наредби.
Трамп го покани во Овалната соба и потпиша извршна наредба за која тврди дека ќе помогне во сузбивање на препродажбата на билети и ќе донесе „разумни“ промени во начинот на кој се поставуваат цените за настаните во живо.
На социјалната мрежа Икс корисниците ја коментираа посетата на Кид Рок на Белата куќа, а особено неговиот избор на облека. „Ок значи… ја сакам облеката на Кид Рок“, напишал еден корисник, додека друг додал: „Го сакам аутфитот на Кид Рок!“ Но, не беа сите воодушевени: „Кид Рок, пропаднатиот и неважен американски кловн… таа облека е ужасна“, напиша корисник на Икс.
„Се сеќавате кога поддржувачите на МАГА се пожалија дека претседателот Зеленски не носел костум во Овалната соба? Па, Кид Рок го носеше ова денес, а МАГА одеднаш е тивка“, напиша политичкиот тик-токер Хари Сисон.
Додека многу се зборуваше за неговата облека, уште поголем интерес предизвика како Трамп постојано му се обраќаше со „Боб“ за време на посетата. Иако на јавноста и е познат по неговото уметничко име Кид Рок, неговите блиски (а можеби и неговите најжестоки обожаватели) знаат дека неговото вистинско име е Роберт Џејмс Ричи – а „Боб“ е вообичаен прекар за Роберт.
