Ријалити ѕвездата Клои Кардашијан сподели фотографија со дијамантски прстен на левата рака поради што многумина претпоставија дека се свршила со своето поранешно момче, кошаркарот Тристан Томпсон. Иако под објавата имаше многубројни коментари и прашања, Клои не одговори дали прстенот е свршенички или не.
Лани во август Клои се смири со таткото на својата ќерка, Тристан, со кого се раздели година дена претходно, откако тој ја изневери додека таа беше бремена. Двојката ја обнови својата романса откако поминаа долго време заедно во карантинот.
View this post on Instagram
Во најновата епизода на Keeping up with the Kardashian, ријалити ѕвездата му соопшти на Тристан дека е подготвена за второ дете. Таа му кажа дека не сака Тру да остане сама и дека во време на карантинот сфатила дека и за ќерката би било подобро да има брат или сестра.
Кардашијан вели и дека заради врската, со ќерката Тру ќе живеат малку во нивниот дом во Калабасас, Калифорнија, а малку во Бостон, откако Томпсон потпиша договор од 19 милиони долари со „Бостон Селтикс“.
