На овогодишните 67 Греми награди, американскиот рапер Кендрик Ламар постигна голем успех, освојувајќи пет големи награди. Неговата песна „Not Like Us“ освои награди за најдобра песна, најдобра рап песна, најдобра снимка и најдобро музичко видео на годината.
Инаку, Ламар е најнаградуваниот рап изведувач во историјата на оваа награда, со 57 номинации и 22 победи во текот на неговата музичка кариера.
За време на неговиот говор, 37-годишниот рапер се осврна и на разорните пожари што го зафатија Лос Анџелес. „Оваа награда му ја посветувам на овој град“, рече тој.
„Знаете, ова е мојот роден град, тука пораснав од мал. Од средно училиште, од кога сум во студио, се мачам да напишам најдобри рими, и да смислувам песни вака не можам доволно да му се заблагодарам на овој град за тоа каде го поминав детството“, додаде тој.
„Најважно, му благодарам на моето семејство и на луѓето од Палисадес и Алтадена. Ова е вистински доказ дека можеме да продолжиме да го обновуваме градот. А сепак, ќе продолжиме да рапуваме, засекогаш пријатели“, заклучи тој.
Бијонсе ја доби наградата за албум на годината за Каубој Картер. Ова е прва ваква награда во нејзината кариера, иако досега четири пати беше номинирана во оваа категорија. Уште пред почетокот на церемонијата, нејзините 11 номинации оваа година и официјално ја направија најноминирана уметничка во историјата на Греми со вкупно 99 номинации.
Шакира беше уште еден голем победник бидејќи нејзината пријателка Џенифер Лопез и ја додели наградата за најдобар латино поп албум, а Сабрина Карпентер ја освои престижната награда за најдобар поп албум на англиски јазик. Чапел Роан беше прогласен за најдобар нов уметник.
Греми наградите се доделуваат во повеќе од 90 категории, а победниците ги избираат музичарите, продуцентите, инженерите и другите кои ја сочинуваат Академијата за снимање.
